BELLAS ARTES PONTEVEDRA

    "Noten que hay barro en la suela de los zapatos"

Exposición "Noten que hay barro en la suela de los zapatos" de los alumnos del Master en Arte Contemporáneo: Aida López Fernández, Chiño Eirín, Iván Graña, Brais Romero, Ana Puga, Alicia Martínez, Maray, María José y Alexandra Rey.

Hasta el 30 de Diciembre en la Sala X de la Facultad de Bellas Artes de Pontevedra.

De lunes a viernes de 12 a 14 h y de 18 a 20 h

Belas Artes estrea unha nova instalación artística no seu patio

A obra do norteamericano Paul E. Guy propón unha sinxela estrutura de observatorio de paxaros

A Facultade de Belas Artes estreou este venres unha nova instalación artística no seu patio. Trátase de Birdwtching, unha peza do norteamericano Paul E. Guy, artista e xefe de montaxes do Museo de Arte Contemporáneo de Vigo, na que se se presenta unha sinxela estrutura de observatorio de paxaros, explorando así o valor da cabana, tanto como refuxio como dispositivo expositivo. A presentación da obra contou coa participación do propio artista; da comisaria e crítica de Arte Ánxela Caramés e a decana do centro, Silvia García, quen explicou que a peza vai permanecer no patio da facultade durante tres meses, se ben non se desbota a posibilidade de que poida prolongarse un pouco máis, “xa que, aínda que non sexa unha instalación permanente, ten solidez suficiente para aguantar durante máis tempo”.

 

 

 

O proxecto Birdwatching presentouse na Cidade da Cultura o pasado mes maio, formando parte da exposición (Reb)veladas na Paisaxe, un ciclo de tres intervencións artísticas nos espazos naturais do Gaiás. Unha vez finalizada esta exposición, o autor empregou esta peza como eixe central dun dos obradoiros do Campus Crea: Fab-Lab no campo expandido. Planificar-construír, un taller impartido na facultade ao longo do mes de novembro por Guy e Caramés, e no que buscaban achegar aos e ás participantes á planificación e construción de instalacións artísticas. “Participaron no obradoiro estudantes de distintos cursos da Facultade de Belas Artes e eles foron tamén os que axudaron na montaxe”, explicou a decana, ao tempo que fixo fincapé en que a obra serviu como caso de estudo, pois durante o taller tivo lugar todo o proceso de reconstrución abordando así “as distintas fases e aspectos técnicos e de montaxe que é preciso ter en conta para o desenvolvemento dun proxecto artístico complexo”.

 

 

“A propia peza ten unha serie de fichas que se cobren polos visitantes

 

Agora a idea é que a instalación se integre no uso do patio, converténdose así nunha nova infraestrutura para a facultade. Neste senso, durante a presentación fíxose fincapé en que o seu uso está destinado a calquera visitante e animouse ao alumnado do centro a participar no desenvolvemento de novos contidos que reflexionen e reflictan as súas impresión sobre o contexto urbano e académico no que está situado. “A propia peza ten unha serie de fichas que se cobren polos visitantes, e isto é algo no que afondaremos nas clases, pois é un bo exemplo para falar de como o contexto museístico das obras e de como un cambio de localización modifica total ou parcialmente parte do seu significado”, recalcou García.

 

A presentación ao público da obra pon, a xuízo do autor e da comisaria, o broche de ouro a un taller no que se lle deu ao alumnado da facultade a posibilidade de desenvolver diferentes competencias ligadas á planificación e construción de instalacións artísticas, analizando as distintas fases do proxecto, utilizando para isto Birdwatching como caso de estudo.  “Para nós é importantes destacar que o autor da obra, Paul Guy, leva dez anos traballando nas montaxes das exposición do Marco de Vigo. Con isto quero enfatizar que para o noso alumnado un dos aspectos máis importantes do obradoiro foi estar traballando con profesionais que lles falaron das circunstancias reais do ámbito profesional”, explicou a decana, que quixo tamén salientar o feito de que Guy, alumno do Máster de Arte Contemporánea, cede así unha das súas obras para uso do público.